កំពង់ឆ្នាំង ៖ នៅម៉ោងប្រមាណជា១០ និង២០ នាទី ព្រឹកថ្ងៃទី២៤ ខែ០៤ ឆ្នាំ២០២១ នេះសមត្ថកិច្ចកងកម្លាំងនគរបាលនិងអាវុធហត្ថខេត្តកំពង់ឆ្នាំង និងអាជ្ញាធរមូលដ្ឋាន​បានព្យាយាមលួងលោមបុរសម្នាក់និងស្ត្រីម្នាក់ជាប្តីប្រពន្ធដែលបានចូលមកភូមិទួល ក្រឡាញ់ សង្កាត់កំពង់ឆ្នាំងក្រុងកំពង់ឆ្នាំង កាលពី៥ថ្ងៃមុន។

សមត្ថកិច្ចបានឲ្យដឹងថា បុរសរូបនេះបានរារាំងសមត្ថកិច្ចមិនសហការដើម្បីទៅធ្វើចត្តាឡីស័កនិងពិនិត្យសំណាកបុរសរូបនេះ​បានចាប់ប្រពន្ធ របស់ខ្លួន​​ធ្វើជាចំណាប់ខ្មាំងថែមទៀតផងខណៈដែលប្រពន្ធយល់ព្រម តាមអាជ្ញាធរ។ ករណីនេះរហូតធ្វើឲ្យសមត្ថកិច្ចប្រើនូវវិធានការបន្ទាន់ ដើម្បីនាំខ្លួន​ទៅចត្តាឡីស័កនិងពិនិត្យសំណាក។បច្ចុប្បន្នបុរសរូបនេះនិងប្រពន្ធត្រូវបានកងកម្លាំងសមត្ថកិច្ចនិងគ្រូពេទ្យនាំយកទៅកាន់មន្ទីរពេទ្យ បង្អែកខេត្ត​ទាំងប្ដីទាំងប្រពន្ធតាមរថយន្តសង្គ្រោះបន្ទាន់៕